Dag 10

Frå Voss til Torfinnsheim

27.07.2011 - 27.07.2011

Det var lettare ver frå morgonen, og etter kvart vart det ein strålande dag. Turen gjekk over eit område som kallast "Gråsida". Terrenget var lett og stiane framifrå. Det var småkupert heile dagen med fast, steinete og mosegrodd underlag.

I ei bok eg fann på hytta i Torvedalen, hadde eg lese at det skulle vere stor fisk i vatnet ved Torfinnsheim, så eg gleda med til å prøve meg att i betre ver enn på lenge. Rett før eg kom fram, fekk eg stadfesta det eg hadde lese, då eg møtte ein mann med fiskestong. Han hadde tatt ein aure på 1,3 kg her tidlegare. Han kunne og tilrå Slåttebakkatjørna, som eg hadde gått rett forbi tidlegare på dagen. Torfinnsheim har, til forskjel frå dei andre hyttene, innlagt vatn og elektrisk straum, noko som kom som ei gledeleg overrasking.

Fiskinga vart resultatlaus denne gongen. Sikkert for bra ver!

Det minkar på dagane og eg har tenkt hardt og mykje på om eg skal gå til Bergen eller ta den kortare ruta ned til Øystese. Eg kan vere i Øystese fredag eller i Bergen søndag, og dessutan er det ein del vanskelege parti utan sti på ruta til Bergen. Det er nesten umogleg å bestemme seg.